محمد صلاح فى ندوة معرض الشارقة قال حاجة عظيمة جدا عن بداياته . كان بيتكلم عن تجربة تشيلسى فقال إنها ماكانتش تجربة ناجحة أوى بس أنا قولت هو إللى عايز ينجح بيلوم الظروف ولا بيشوف حاجة يعملها؟ فبدأت أقرا وأشوف حاجة على اليوتيوب ودماغى بدأت تتغير
الجملة دي بيكررها بشكل أو بأخر ناس كتير من إللى حققوا نجاحات كبيرة كلهم بيأكدوا على مسئولية كل شخص عن نجاحه أو فشله وإن الفيصل فى الدماغ مش فى الظروف . صلاح موهبته الحقيقية مش فى رجله ولكن فى دماغه إللى ساعدته يتطور بشكل مذهل . صلاح قدوة حقيقية للشباب الأصغر منه وللناس الأكبر منه كمان يعنى من الأخر لينا كلنا . صلاح شاب بسيط عرف بفضل الله ثم بدماغه يبقى نجم عالمى وقدر يحافظ على نجاحه فى النهاية ربنا يحميك يا صلاح .
