ما هو بر الوالدين؟؟

ما هو بر الوالدين؟؟
****
عارفين أن الناس اختلط عليها الأمر وما بقتش عرفه ازاي تبر والديها….!
الأبناء بقت بتضع أباءها أما ازواجها وزوجتها وأبناؤها في ميزان واحد
الاب في كفة والابن في كفة
وكفة الابن بقت هي الكسبانة
بقت البنت والابن يهجر أباه بالشهور لا يسالوا ولا يزوروا بحجة أنهم عندهم أسرة وازواج وأبناء محتاجين الاهتمام والرعاية
…..
وفي نفس الوقت الاب والام بعد ما تعبوا وربوا وشقيوا
ما بقاش ليهم لزمة ….
والعجيب أن الأبناء بيطلبوا بر أبناءهم
بقي دا اسمه كلام؟!
بقي سيادتك مستني ابنك يخلي باله منك ويبرك عند الكبر وانت أهملت طاعة ابوك وامك
دفنت اهلك وهم أحياء
….
بريت زوجتك ع حساب ابوك
وبريتي ابنك ع حساب امك……
عامة أن الأيام دول
وكما تدين تدان
…..بكره هتشرب من نفس الكاس اللي سقيت بيه ابوك وامك….
هتصاب بشيخوخة الوحدة وعد الاهتمام
لان ابنك شافك وانت بتعق ابوك وامك
واكيد هيقلدك
……
بقينا نشوف الأبناء بيقفوا أمام اهاليهم الند بالند
وبيحاسبوهم ع كلمه او هفوه
….وبيعاقبوهم بالهجر….
ويا سلام ساعة الاب ما يموت الكل يجي يدور ع ميراثة وحقه
وكأنهم أدوا واجبهم تجاه والديهم ومنتظرين جزاء حسن الطاعة والمصاحبة في الدنيا

وبتقولوا الزمن جرى له ايه؟!
وليه الغلا والمصائب والكوارث اللي بتحيط بينا من كل جانب…..
والله قد خسر
والله قد خسر
من شهد أبواه
أو أحدهما
ولم يدخل الجنة……..

أحق الناس بحسن الصحبة
الام ثم الام ثم الام ثم الاب

لا قال ابن ولا زوجة…..

هقول لكوا ايه نسأل الله الهداية …. والصواب…..

بقلم د.رانيا فتيح