$ ضاااااقت بيا $
بقلم/ عماد الأبنودي
•••••••••••••••
يااارب الدنيا ضاقت بيا
و كل حصادي بقا أحزان
حتي دمعي مفارقش عينيا
ليلي و نهاري بيزيد كمان
ليه خطاويها ماشيه معكوسه
و ماليه تملي في الحيطان
ليه سلعتها هي الكوسه
و دايسه بغل على الغلبااان
حتي الأحلام فيها مدبوحه
و ما عادش ليها أبداً مكان
دايره و تايهه بدواير مقفوله
كأنه خلاص صابها التوهان
و الأيااااام اهي بس تعدي
طايرة مسافرة زي الدخان
طيفها سراب مش بيهدي
جوه متاااااااهة من الأحزان
و الكلمات من ضيقها بتصرخ
نفسها تنتفض كما البركان
و تعبر عن إحساسها و تخرج
تعلن كده مرة العصياااااان
يمكن حالها ف يوم يتغير
و تخد ااالعفو من السجان
اكمنه وضعها فعلاً يحير
و صدق القلب لو قالك زعلان
ولا كل كلام اااالدنيا يقدر
إنه … يعبر عن الخزلان
دي حموله شلتها دايما تكسر
و مايقدرش ع شيلها إنسان
بقلم
عمااد الأبنودي
16 , 7 , 2024
