( دلعك ماسخ )

زجل
( دلعك ماسخ )

دلعك ماسخ ملهوش طعم
جوايا راسخ العقل الهم
ولا إنت سامع ولا بتفهم

زمني إبتدى عنتر عبسي
أقولك كدا تمشي عكسي
من دا ودا عذبت نفسي
دمي إنتهى ولا عندك دم
دلعك ماسخ ملهوش طعم

الفرحة دار بتحب زعلي
شربت المرار آااه ياغلبي
في حضني نار نار بتغلي
منك ياجار كرهت أضم
دلعك ماسخ ملهوش طعم

إعشق لوحدك؟ حب فات
غرامي جنبك ذكريات
قلبك عندي كإنه مات
وقلبي عندك؟ مش مهم
دلعك ماسخ ملهوش طعم

كلمات:
حربي علي
شاعر السويس