🔥كلمتين وبس🔥 🍁وزارة التربية والتعليم ياحضرات وزارة خدمية يعني مش بتدخل فلوس طبعا 🔥الكلام ده غلط 100% ازاي حضرتك تعالي احسب معايا🙏 700,000 ألف طالب ثانوية عامة في متوسط 600 جنيه 420000000 🔥يعني الثانوية العامة بس دخلها حوالي نص مليار جنيه من جيب الناس 🔥تعالي حضرتك اضرب الرقم ده في 5 أضعاف دبلومات بأنواعها يعني استمارات دبلومات اكتر من 2 مليار جنيه 🔥تعالي حضرتك اضرب الرقم ده في طلاب الشهادة الاعدادية متوسط اعداهم حوالي 2 مليون طالب في متوسط استمارات 500 جنيه يعني حضرتك بتاخد من طلبة الاعدادي حوالي مليار جنيه وهكذا دواليك في الحضانة والابتدائي يعني بيدخل جيب حضرتك يا وزارة اكتر من 20 مليار جنيه تحت بند مصروفات دراسية واستمارات امتحانات تمام حضرتك 🔥تعالي شوف ترقيات المعلمين اللي مبتحصلش في أي وزارة تانية متوسط المتقدمين للترقية 100 ألف معلم 🔥مصاريف دخول الترقية 110 جنيه تدفع مقدما عشان سيادة الموقع يفتح باب الترقية معايا حضرتك والا تهت تمام يعني بتاخد من 10 مليون جنيه رسوم دخول امتحان الترقية للمعلمين 🔥🔥تعالي معاليك لنقابة المعلمين 🔥يعني سيادة النائب الزناتي خليفه نقيب المعلمين في بر مصر المحروسة 🔥نسبة النقابة من أي دخل للمعلمين 13% يعني قبل حضرتك متقبض بتكون النقابة خاصمة من المنبع خلصت الحكاية لسه طبعا 🔥تعالي حضرتك نصيب نقابة المعلمين من مكافأة الامتحانات 100 مليون جنيه لأنها أكبر نقابة في مصر المحروسة طيب حضرتك ايه الخدمات بتاعة النقابة 🔥معاش كل 3 شهور 340 جنيه يعني الشهر مكملش 120 جنيه 🔥تعالي حضرتك مستشفى المعلمين ممنوع دخول المعلمين فيها ومتأجرة ودخلها للنقابة 🔥تعالي حضرتك مصيف المعلمين عشان تدخل لا مؤاخذة التواليت تدفع 5 جنيه عشان تاخد شاور بعد البحر لازم تدفع 5 جنيه طبعا واحد دلوقتي بيقول ايه كلام الناس الجعانة و5 جنيه وكلام فاضي هقول حضرتك شوف الخصم الشهري للنقابة كام تعرف الخازوق قد ايه 🔥خلصت الحكايه لا لسه لو المعلم مات آخره مصاريف جنازة 1000 جنيه طيب هتيجي حضرتك وتقولي المدرسين بيدو دروس ومذكرات وخاربين بيت الناس هاقول لحضرتك تمام وانا معاك قلبا وقالبا أن اكتر من 40% من دخل اي بيت علي مصاريف الدروس مفيش خلاف مع حضرتك لكن عندنا حضرتك اكتر من مليون و700 ألف معلم نسبة اللي بيدو دروس حضرتك مستحيل تعدي 25% منهم هتقولي حضرتك فيه مدرس واحد بيدي بمليون جنيه في الشهر دروس باعترافه هو شخصيا للطلبة بتوعه هاقول لحضرتك دور حضرتك فين كوزارة انك تحاسبه أو تمنعه أو علي الاقل تاخد حق الدولة منه كضرايب وعلي فكرة بيبقو معظم الفئة دي يا اما مش متعينين أصلا او مقدمين اجازات عشان يتفرغو لدروسهم 🔥فين رقابة حضرتك عليهم 🔥وفي النهاية تعالي شوف الوزارات التانية مكافأت العاملين بها ايه البترول متوسط الأرباح للعامل مش المهندس 60 ألف جنيه سنويا الكهربا شرحه البريد 11شهر مكافأة مالية يعني فوق ال80 ألف لأقل مرتب فيهم تعالي حضرتك لوزارة العدل كل شهرين شهر حوافز يعني 6 شهور في الحد الادني للأجور 6 آلاف جنيه يبقي 36 ألف جنيه ارباح في العام غير السنترالات غير الوظائف الأخري الخلاصة الوزارة مش فقيرة وممكن تغطي مرتبات مجزية جدا للعاملين فيها دون تأثير على ميزانية الدولة 🔥النقابة أغني نقابة في مصر وأسوأ خدمات نقابية في مصر لما عملوا مكافأة الامتحانات دي كان فيه ناس بتجهز ولادها بيها في الجواز والمباني وخلافه لأنها كانت تعادل مرتب 6 شهور 🔥دلوقتي حضرتك أقل من نص مرتب شهر واحد حضرتك اسوا ايام بيشوفها المعلمين هي أيام الامتحانات من مواجهة جيل بيرضع غش في الاعدادية والدبلومات والثانوية غش حتي النخاع وعلي عينك يا تاجر ولسه طالب قدام عيني في لجنه الثانويه العامه قايل لمراقب زميلنا هاستناك تحت وما أكثر هذه النوعية تربية نمبر وان وبيكا وشركاه اي بلد في العالم أساسه التعليم واي تعليم أساسه المعلمين حرام عليكم اللي بيحصل فيهم ده اقل وزارة بتردي 100 شهر مكافأة نهاية الخدمة وده مبيحصلش مع المعلمين أقل نقابة بتدي معاش شهري 600 ما عدا المعلمين احترموا من علمكم ولا تجعلوهم يتسولون رزقهم من جيوب طلابهم وفي النهاية 🙏قم للمعلم وفه التبجيل كاد المعلم ان يكون رسولا.
