كتب يحي محمد الداخلي والحقيقة دا قرار محتاج تفسير وبيان من النائب العام وخاصة أننا امام تهمة ارتكاب (جنحة ضرب بسيط ) وعدم وجود مبررات للحبس الاحتياطى – الست لها عنوان معلوم – عندها طفلة تحتاج رعاية طبية خاصة .. – ان حبس الام يعرض الطفل للرضيع للجوع وخاصة ان ال٣٠٠ جنيه مصروف اللى بترميهم الحمى ليهم كل شهر اقل من ثمن علبة لبن صناعى وفى الوقت الذى نؤكد ان لا احد يقبل اى عنف ضد اى انسان،و ان الزوجة ارتكبت جريمة بالتاكيد ولا خلاف على ذلك ، لكننا بحاجة للتحقيق فى كل الملابسات لاكتشاف الحقيقة وراء الواقعة وعلى الزوجة وامها تقديم بلاغين ضد الحمى – بارتكابها جريمة السب والقذف ضدها – الضرب لام الزوجة من الحمى بالقلم ( وهى جنحة ضرب بسيط ايضا ) واعتقد ان ملابسات كثير محتاجة تحقيق ، فمن تصريحات الست المضروبة ( احنا نعرف ان الحمى هى اللى تضرب مرات ابنها مش العكس ) وكانها تضرب مرات ابنها ( دا العادى ) !!!! وفى ملابسات كثير بتدل على عنف واقع على الزوجة زى – طرد الزوجة من شقتها وحرمانها من مفتاحها ، وعدم التصريح لها بدخولها الا باذن حماتها – تعريض الزوجة للحرمان والعوز بدفع ٣٠٠ جنية مصروف كل شهر لزوجة وام لطفل مريض محتاج عناية خاصة ودا ضد حقوق الزوجة والاطفال وكأن مفيش دولة قانون اصلا … كل دا ذل وقهر وتعدى بالسب محتاج التحقيق فيه مع كل الاطراف .. لكن يظل قرار النيابة بحبس الزوجة ٤ ايام هو ( توسع غير مبرر للحبس الاحتياطى) ودا الموضوع اللى بيناقشة الحوار الوطنى الان : بيناقش الحبس الاحتياطى كعقوبة دون حكم قضائى وخطورة التوسع فيه وضرورة التعويض عنه اعتقد ان قرار الحبس الاحتياطى لزوجة وام طفل عنده شهور ومريض فى جنحة ضرب بسيط ؟ فى اطار مشاجرة تم التعدى فيها من كل الاطراف محتاج تفسير حكايات_نهاد نهاد_ابوالقمصان النيابة_العامة زوجة_تضرب_حماتها المجلس_القومى_للمرأة المجلس_القومى_للأمومة_والطفولة
