ما إنتاش ، حويط
حدوة حصانك الأربعة
كانت تجلجل في المكان
طاير في دنيا ، مسمعة
ترياق حياه فيه الأمان
لسعة الكرباج في ايدك
و الجرس فيه انتباه
كنت حاسس بالحياه
كنت ماشي ف كل اتجاه
كل السوارس كانت تزاحم
صهيل خيول ف لجامها رابط
و العربجي قرصان ملابط
قافل في ترابيس البيبان
ما انتاش حويط حرفوش عبيط
أخد ، الحلق من غير ودان
و ان كنت ناوي تغير مصيرك
خرج أسيرك م المكان
كسرك في أسرك
و الطريق براح مسدود
مين اللي غَدرك
مين ما إلتزمش وعود
دابت ،ملامحك
تجاعيد لكهل قعود
انا كنت شبهك زمان
و شبعت م الحرمان
مالقيتش ليا مكان
ولا ليا ، اني، أعود
شعر / ياسر عبد الحميد
