مشوار الحياة
بقلم /ثروت محمود شفيق
مع الاسف
كلنا عايشين بغفله
والدنيا شغلانى وشغلاك
رغم أننا عارفين انها فانيه
وكل يوم فيه ميت مابين هنا و هناك
و نصايح
ودلائل كثيرة
وإشارات بتقول فوق
النهاية جاية مش هنستناك
ولما تيجى هتسيب كل حاجه وراك
واحنا
زى مااحنا
عايشين فى دوامات
وصراعات ملهاش اى نهاية
مستسلمين للدنيا بتلف حوالينا شباك
وموج عالى
بيفرق مابنا بقسوة
واللى تفكره سند يقويك
يبيعك برخيص فى ضياع واهلاك
وبدموع التماسيح يبكيك هنا وهناك
ماتيجوا
نفوق قبل الاوان
ونبنى ونعمر هنا وهناك
لأجل نقابل المولى بعمل صالح
يبيض وجوهنا بدل مانخسر هنا وهناك
