يا ولدي
أبوك وأمك كبروك
وفروا من قوتهم وعلموك
وعملوا فرح وجوزوك
ووصلوك لبر السلامة
زوجتك انتى جوزى
أنسى أمك وأنسى كمان أبوك
مشيت وسمعت كلامها
وروحت غبت سنين وياما
وسيبت أبوك وسيبت أمك
ونسيتهم بسبب زوحتك
ومخفتش من الناس الملامة
ومر الزمان ودار دوره
وكبرت فى الدنيا عيالك
الست زوجتك حافظه التاريخ
صاحبت عياله وبقوا
فى إيديها خاتم
خلاص مابيسمعوش كلامك
وأنت من غلبك ساكت وكاتم
هتعمل إيه وترجع لمين
بعد ماهنوك زوجتك ويا عيالك
أبوك مات وخد عزاه عمك
وأمك ماتت وخد عزاها خالك
ودلوقتى عاوز ترجع تانى لدارك
ومنين جالك
إن باب دارك هيفتح ليك
بعد ماعصيت أبوك وأمك
خلى بالك
معاصى الوالدين…دين
وهيترد على سقف الحياة
من إبنك لو فى يوم جالك
علشان كده
خلى بالك من ابوك وأمك تحياتي لكم
